काठमाण्डु– बुधबार नेपाली बजारमा सुनको मूल्य बढेको छ । मंगलबारको तुलनामा बुधबार सुनको भाउ तोलामा १ हजारले बढेको हो ।

मंगलबार सुन तोलाको १ लाख ५२ हजार ४ सय रुपैयाँमा कारोबार भएको सुन आज १ लाख ५३ हजार ४०० रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।

यो सुनको अहिलेसम्मकै उच्च मुल्य हो ।

त्यस्तै आज चाँदीको मूल्य पनि बढेको छ । आज चाँदी तोलामा १५ रुपैयाँले बढेर १७८० रुपैयाँमा कारोबार भइरहेको महासंघले जनाएको छ ।