काठमाण्डु-भारतले प्याज र बासमती चामलको निर्यात शुल्क २० प्रतिशत कायम गर्ने निर्णय गरेको छ ।
भारतका गृहमन्त्री अमित शाहले केन्द्र सरकारले किसानलाई उनको उत्पादनको उचित मूल्य दिलाउनका लागि निर्यातलाई बढाउने निर्णय गरेको जानकारी दिएका छन् ।
सामाजिक सञ्जाल एक्समा गृहमन्त्री साहले किसानको हितलाई ध्यानमा राखी तीन वटा महत्वपूर्ण निर्णय गरिएको जनाएका हुन् ।
जसमा सरकारले प्याजमाथि न्यूनतम निर्यात मूल्य हटाउने र निर्यात शुल्कलाई ४० प्रतिशतबाट २० प्रतिशत कायम गर्ने निर्णय गरिएको छ । यसले प्याजको निर्यात बढ्ने र प्याज उत्पादक किसानको आम्दानी पनि वृद्धि हुने हुने जनाइएको छ ।
त्यसैगरी बासमती चामलमा पनि न्यूनतम निर्यात मूल्य हटाउने भारत सरकारले गरेको छ । जसले गर्दा बासमती चामलको उत्पादन गर्ने किसानलाई राहत हुनेछ ।
यस्तै सरकारले काँचो पाम, सोया र सूर्यमुखी तेलको आयात कर १२.५ प्रतिशतबाट बढाएर ३२.५ प्रतिशत पुर्याएको छ भने यसका रिफाइन्ड तेलको कर १३.७५ प्रतिशतबाट बढाएर ३५.७५ प्रतिशत पुर्याइएको छ ।
भारत सरकारको उक्त निर्णयबाट नेपालमा प्याज र बासमती चामलको आयातमा सहजता हुने देखिएको छ । प्याज निर्यात सहज हुँदा मूल्य पनि सस्तो हुने अनुमान गरिएको छ ।
पछिल्लो केही महिनादेखि देशैभर प्याज १४० देखि १५० रुपैयाँमा कारोबार हुँदै आएको छ ।
मोदी सरकार किसानों को उनकी फसल का उचित दाम दिलाने के लिए निर्यात को बढ़ा रही है, जिससे किसान अपनी फसल का अधिक से अधिक दाम प्राप्त कर पायें।
किसान हित सर्वोपरि रखते हुए मोदी सरकार ने तीन महत्वपूर्ण निर्णय लिए हैं:
1) मोदी सरकार ने प्याज पर न्यूनतम निर्यात मूल्य (MEP) हटाने और…
— Amit Shah (@AmitShah) September 14, 2024
प्रतिक्रिया