काठमाण्डु– नेपाली बजारमा मंगलबार सुनको भाउ घटेको छ ।

सोमबारको तुलनामा मंगलबार सुनको भाउ तोलामा ६ सयले घटेको हो ।

सोमबार हालसम्मकै उच्च विन्दुमा पुगेको सुनको मूल्यमा सामान्य गिरावट भएको हो ।

सोमबार प्रतितोला १ लाख ५७ हजार ३ सय रुपैयाँमा कारोबार भएको सुन आज १ लाख ५६ हजार ७ सय रुपैयाँमा कारोबार हुने नेपाल सुनचाँदी व्यवसायी महासङ्घले जनाएको छ ।

यसैगरी, चाँदीको मूल्य तोलामा १० ले घटेको छ । सोमबार प्रतितोला १ हजार ९ सय १५ मा खरिदबिक्री भएको चाँदी आज १ हजार ९ सय ५ निर्धारण भएको महासङ्घले जनाएको छ ।