काठमाण्डु– लागातार उकालो लागेको सुनको भाउ आज तेस्रो दिन पनि बढेको छ ।बढेसँगै सुनको भाउले नयाँ रेकर्ड कायम गरेको छ ।

सोमबारको तुलनामा मंगलबार सुनको भाउ तोलामा ५ सय रुपैयाँले बढेको हो ।

सोमबार प्रतितोला १ लाख ५९ हजार २ सय रुपैयाँमा कारोबार भएको सुन आज १ लाख ५९ हजार ७ सय रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।

त्यस्तै आज चाँदीको मूल्य भने घटेको छ । चाँदीको मूल्यमा तोलामा ५ रुपैयाँले घटेर प्रतितोला १९१५ रुपैयाँमा कारोबार भईरहेको नेपाल सुनचाँदी व्यवसायी महासंघले जानकारी दिएको छ ।