काठमाण्डु– सोमबार नेपाली बजारमा सुनको भाउ घटेको छ ।आइतबारको तुलनामा सोमबार सुनको भाउ तोलामा ४ सय रुपैयाँले घटेको हो ।

आइतबार १४ सयले बढेर नयाँ रेकर्ड बनाएको सुनको भाउ आज ओरालो लागेको हो ।

हिजो १ लाख ६७ हजार ४ सय रुपैयाँमा कारोबार भएको सुन आज १ लाख ६७ हजारमा कारोबार भएको नेपाल सुनचाँदी व्यवसायी महासंघले जनाएको छ ।

यस्तै आज चाँदीको भाउ पनि २० रुपैयाँले घटेको छ ।
हिजो २ हजार ८५ रूपैयाँमा कारोबार भएको चाँदी आज २ हजार ६५ रुपैयाँमा कारोबार हुने महासंघले जनाएको छ ।