काठमाण्डु – साफ महिला च्याम्पियनशिपको फाइनल खेल सुरु भएको छ ।

उपाधिका लागि घरेलु टोली नेपाल र बंगलादेशबीच दशरथ रंगशालामा प्रतिस्पर्धा सुरु भएको छ । खेल निर्धारित समय ६ः३० बजे सुरु भएको छ ।

नेपाल सेमिफाइनलमा भारतलाई टाइब्रेकरमा ४–२ गोलले पराजित गर्दै छैटौंपटक साफको फाइनल खेलमा प्रवेश गरेको हो । यसअघि ५ पटक उपविजेतामा रोकिएको नेपालले यसपटक घरेलु समर्थक र मैदानको फाइदा उठाउँदै च्याम्पियन बन्ने लक्ष्य राखेको छ ।

अघिल्लोपटक दशरथ रंगशालामै ३–१ गोलको अन्तरले नेपाललाई हराएर च्याम्पियन बंगलादेशले यसपटक पनि उपाधि जित्ने लक्ष्यमा छ ।

नेपाली खेलाडीको हौसला बढाउन प्रधानमन्त्री केपी शर्मा ओली दशरथ रंगशाला पुगेका छन् ।