काठमाण्डु – भारतको उत्तर प्रदेशस्थित आगरामा भारतीय वायुसेनाको लडाकू विमान दुर्घटना भएको छ ।

सोमबार उडेको केहीबेरमा वायुसेनाको फाइटर विमान मिग २९ दुर्घटनामा परेको हो ।

भारतीय सञ्चारमाध्यमका अनुसार दुर्घटनापछि विमानमा आगो लागेको छ ।

विमानमा २ पाइलट सवार भए पनि आगो लागेको थाहा पाएपछि पाइलट र को–पाइलट प्यारासुटमार्फत विमानबाट बाहिरिएका थिए ।

विमान पञ्जाबको आदमपुरबाट अभ्यासका लागि आगरा जाँदै थियो । दुर्घटनापछि विमान आगरा नजिकैको कागारौलको सोना गाउँमा खेतमा खसेको थियो ।