पोखरा- पोखरामा प्रहरीले रास्वपा कार्यकर्तामाथि अश्रुग्यास प्रहार गरेको छ ।

सभापति रवि लामिछाने पक्राउको विरोधमा प्रदशर्नमा उत्रिएका कार्यकर्तामाथि अश्रुग्यास प्रहार गरेको हो ।

रास्वपाका नेता कार्यकर्ताले रत्नचोकहुँदै वाइ चोकमा निषेधित क्षेत्र तोड्न खोजेपछि अश्रुग्यास प्रहार गरेको हो ।

यस्तै आज रवि लामिछानेसहित छविलाल जोशी, जीवी राईसँग जोडिएका लीला पछाइ र नेचर हर्ब्सका रामबहादुर खनाललाई पनि अदालत उपस्थित गराएको छ ।

लामिछानेलाई अदालतमा उपस्थित गराइने भएपछि आज पनि रास्वपाले पोखरामा प्रदर्शन जारी राखेको छ ।

राजनीतिक प्रतिशोधले पार्टी सभापति लामिछानेलाई पक्राउ गरिएको बताउँदै रास्वपाले विरोध प्रदर्शन गर्दै आएको छ ।