काठमाण्डु-एनपीएलको सबैभन्दा महँगो टिम पोखरा एभेन्जर्सको जर्सी सार्वजनिक गरिएको छ ।

टिमका प्रमुख सल्लाहकार एवं मेन्टर जोन्टी रोड्सले जर्सी सार्वजनिक गरेका हुन् । मुस्ताङको लोमान्थाङ रोड्सले जर्सी सार्वजनिक गरेका हुन् । पोखरा एभेन्जर्सले क्रिकेटसँगै जलवायु परिवर्तन र दिगो पर्यटनलाई केन्द्रित गरी लोमान्थाङबाट जर्सी सार्वजनिक गरेको अध्यक्ष सुबोध त्रिपाठीले बताए ।

‘पोखरामा आबद्व हुँदा उत्साहित छु। मेरो अनुभव र ज्ञानले पोखरामात्र होइन, नेपालको क्रिकेटको उदयका लागि योगदान हुनेछ’, जर्सी सार्वजनिक गर्दै रोड्सले भने ।

रोड्सले राम्रो खेलकुद पूर्वाधार, खेलको विकास र अन्तर्राष्ट्रिय स्तरको खेलाडी विकास होस् भन्ने आफ्नो चाहना रहेको पनि बताए ।