काठमाण्डु-चर्चित टेनिस खेलाडी राफेल नाडालले सन्यासको घोषणा गरेका छन् । उनलाई ‘क्ले कोर्ट’का बादशाह मानिन्थ्यो ।

मंगलबार नाडालले सन्यासको घोषणा गरेका हुन् । उनले २२ ग्रान्ड स्लाम जितेका छन् । उनले मंगलबार डेविस कपमा आफ्नो अन्तिम खेल खेले । उक्त खेलमा ३८ वर्षीय नाडालले नेदरल्यान्ड्सका बोटिक वानसँग ६–४ र ६–४ को लगातार दुई सेटमा पराजय व्यहोरेका थिए ।

सन्यासको घोषणा गर्दै नाडालले भनेका छन्, ‘२० वर्षको मेरो प्रोफेशनल करियरमा मेरो राम्रो समयमा मेरा समर्थकरूले साथ दिए । अनि खराब समयमा मलाई खेलिरहनका लागि प्रोत्साहित गरे ।’

नाडालले १४ पटक फ्रेन्च ओपन सिंगल्सको उपाधि जितेका छन् ।