काठमाण्डु– अति प्रतीक्षित फिल्म ‘पुष्पा २’को ट्रेलर रिलिज भएसँगै यसको चर्चा परिचर्चा चुलीएको छ । ट्रेलरमा रश्मिका मन्दाना, अल्लु अर्जुन र फहाद फासिलको शैलीलाई दर्शकले निकै मन पराएका छन् ।

‘पुष्पा २’मा फहाद फासिल भिलेन भूमिकामा देखिँदैछन् । फिल्मको पहिलो भागमा उनले दर्शकबाट राम्रै माया पाएका थिए ।  उनले फिल्म ‘पुष्पा २’बाट ८ करोड पारिश्रमिक लिएका छन् ।

 फिल्मकी नायिका रश्मिका मन्दानाले फिल्ममा श्रीवल्लीको भूमिका निभाएकी छन् ।  उनले फिल्ममा श्रीवल्ली बन्नका लागि १० करोड पारिश्रमिक लिएकी छन् ।

फिल्मका शीर्ष कलाकार अल्लु अर्जुनको पारिश्रमिक सर्वाधिक छ । उनले फिल्मकै लागि ३ सय करोड पारिश्रमिक लिएका छन् । यो पारिश्रमिकसँगै उनी बलिउडको सबैभन्दा महँगो अभिनेता बनेका छन् ।

उनले बलिउडका सलमान खान र शाहरुख खान जस्ता सुपरस्टारलाई पनि पारिश्रमिकको मामलामा पछि पारेका छन् ।

नायिका श्रीलीलाले ‘पुष्पा २’मा आइटम नृत्य गर्नका लागि करिब २ करोड रुपैयाँ लिएकी छन् । उनले ‘पुष्पा’मा आइटम नृत्य गरेकी समान्थालाई ‘रिप्लेस’ गरेकी हुन् ।