काठमाण्डु – प्रतिनिधिसभा सभामुख देवराज घिमिरे पर्सि मंसिर ७ गते कम्बोडिया जाने भएका छन् ।

‘इन्टरनेसनल पार्लियामेन्ट फर टोलोरेन्स एन्ड पिस (आईपीटीपी) को आयोजनामा हुन लागेको कार्यक्रममा सहभागी हुन सभामुख घिमिरे कम्बोडिया जान लागेका हुन् ।

‘कम्बोडियाले आयोजना गर्न लागेको आईपीटीपी कार्यक्रममा सहभागी हुन सम्माननीज्यू जान लाग्नुभएको हो,’ उनका सञ्चार विज्ञ शेखर अधिकारीले भने ।

सभामुख घिमिरे कार्यक्रममा सहभागी भएर मंसिर ११ गते नेपाल फर्किने कार्यक्रम छ ।

सभामुख घिमिरेसँगै संघीय संसद् सचिवालयका सहसचिव तथा प्रवक्ता एकराम गिरीले पनि कम्बोडिया जाने भएका छन् ।