काठमाण्डु-नेपाल प्रहरीका नायब महानिरीक्षक (डीआईजी)मा आठ जनाको बढुवा सिफारिस भएको छ ।

बढुवा समितिको आइतवार बसेको बैठकले रिक्त रहेका डीआइजी पदमा ८ जना प्रहरी बरिष्ठ उपरीक्षक (एसएसपी)को बढुवा सिफारिस गरेको हो ।

नेपाल प्रहरीमा डीआईजीको ९ दरबन्दी रिक्त छ तर बढुवा समितिले ८ एसएसपीलाई मात्र सिफारिस गरेको छ ।

बढुवा हुने एसएसपीहरूमा धुवराज राउत, भोला बहादुर रावल, गणेश चन्द, सिद्धिविक्रम शाह, सुशीलसिंह राठौर, उमाप्रसाद चतुर्वेदी, हिमालयकुमार श्रेष्ठ र डम्बरबहादुर बिक छन् ।

राउत, रावल र चन्द प्रहरी महानिरीक्षक वसन्तबहादुर कुँवरका ब्याची हुन् ।