काठमाण्डु – देशका विभिन्न स्थानमा ५ जना मृत अवस्थामा फेला परेका छन् ।

मोरङको मिक्लाजुङ गाउँपालिका–३ धोबिने बजार बस्ने ३५ वर्षीय रमेश भन्ने इन्द्रबहादुर सार्की आफ्नै घरमा बुधबार मृत अवस्थामा फेला परेका छन् ।

रूपन्देहीको बुटवल उपमहानगरपालिका–९ बसपार्कस्थित नागरिक प्लाजा होटलमा बाग्लुङको गलकोट नगरपालिका–११ घर भएका ३३ वर्षीय श्याम सिंजाली बुधबार मृत अवस्थामा फेला परेका छन् ।

सप्तरीको खडक नगरपालिका–४ बस्ने ७५ वर्षीया सुनरी खातुन तरकारी बारीमा बुधबार मृत अवस्थामा फेला परेकी छन् ।

सोलुखुम्बुको सोलु दुधकुण्ड नगरपालिका–२ नाङलोस्थित खाली चौरमा हाल नाम, थर, वतन नखुलेका अन्दाजी ६० वर्षीय पुरूष बुधबार मृत अवस्थामा फेला परेका छन् ।

इलामको माङसेबुङ गाउँपालिका–४ चुच्चेटार बस्ने ८२ वर्षीय बसन्तकुमार राई स्थानीय भीरमा बुधबार मृत अवस्थामा फेला परेका छन् ।

घटना सम्बन्धमा आवश्यक अनुसन्धान गरिरहेको प्रहरीले जनाएको छ ।