काठमाण्डु– काठमाडौंको कीर्तिपुरमा आज बिहीबार शीर्ष नेताहरूले सम्बोधन गर्ने भएका छन् ।चुनावी प्रचारको अन्तिम दिन आज नेपाली कांग्रेस, नेकपा (एमाले) र नेकपा (माओवादी केन्द्र)का नेताहरुले ले चुनावी सभामा सम्बोधन गर्ने भएका हुन् ।

कांग्रेसका महामन्त्रीद्वय गगन थापा र विश्वप्रकाश शर्माले कीर्तिपुरको लोकतान्त्रिक चोकमा दिउँसो साढे २ बजे, एमालेकामहासचिव शंकर पोखरेललगायतले कीर्तिपुरको पाँगामा दिउँसो ३ बजे , माओवादीकाअध्यक्ष पुष्पकमल दाहाल (प्रचण्ड) लगायतले कीर्तिपुरको नगाउँ दोबाटोमा ३ बजे हुने चुनावी सभालाई सम्बोधन गर्दै छन् ।

कीर्तिपुरमा माओवादीका उम्मेदवारलाई एकीकृत समाजवादी र जनता समाजवादी पार्टीले समर्थन गरेको छ। कीर्तिपुरमा विभिन्न पार्टीहरू र स्वतन्त्र उम्मेदवार गरी १९ जना चुनावी मैदानमा छन्।