काठमाण्डु-नेपाल प्रिमियर लिग (एनपिएल)अन्तर्गत आज दुई वटा खेल हुदैछन् । आजको पहिलो खेलमा कर्णाली याक्स र काठमाडौं गुर्खाज आमने सामने हुँदैछन् ।

पहिलो खेल कीर्तिपुरस्थित त्रिवि क्रिकेट मैदानमा बिहान ९ बजे सुरु हुनेछ । दुबै टोलीका लागि आजको खेल दोस्रो हो । यसअघि हार व्यहोरेका दुवै टोली आज पहिलो जितको खोजीमा मैदान उत्रने छन् । पहिलो खेलमा कर्णाली जनकपुर बोल्ट्ससँग ८ र काठमाडौं चितवन राइनोजसँग ५ विकेटले पराजित भएका थिए ।

दोस्रो खेलमा लुम्बिनी लयान्स र विराटनगर किंग्स प्रतिस्पर्धा गर्नेछन् । यो खेल दिउँसो १ बजे हुनेछ ।

विराटनगरले अहिलेसम्म खेलेका दुईवटै खेल हारेको छ भने लुम्बिनीले आज पहिलो खेल खेल्दैछ ।