काठमाण्डु- प्रथम झापा कप फुटबल प्रतियोगितामा आजदेखि क्वारफाइनलका खेल शुरू हुँदैछ । पहिलो क्वारफाइनल खेलमा त्रिभुवन आर्मी क्लब र सलहेस क्लब सिरहाबीच खेल हुने आयोजकले जनाएको छ ।

विर्तामोडको डोमालाल राजवंशी रङ्गशालामा दिउँसो दुई बजेपछि खेल शुरू हुने छ । यसअघि आइतवार भएको खेलमा राष्ट्रिय जागृति क्लब इटहरीले आयोजक झापा–११ फुटबल क्लबलाई २–० गोलले हराएर क्वाटरफाइनलमा प्रवेश गरेको छ भने पराजित आयोजक झापा–११ प्रतियोगिताबाट बाहिरिएको छ ।

पुस ८ गतेसम्म चल्ने प्रतियोगितामा नेपालका नौ र भारतको एउटा क्लबको सहभागिता रहेको छ ।