काठमाण्डु–नेपाल प्रिमियर लिग (एनपीएल)को पहिलो क्वालिफायर्समा सुदूपश्चिमले जित निकालेको छ । सुदूपश्चिमले जनकपुरलाई ८ विकेटले हराएको हो ।

त्रिवि क्रिकेट मैदानमा जनकपुरले दिएको १४० रन पछ्याएको सुदूपश्चिमले १८.३ ओभरमा २ विकेट गुमाएर लक्ष्य भेट्टायो ।

 सुदूपश्चिमका लागि विनोद भण्डारीले सर्वाधिक रन जोडे । उनले ५५ बलमा ३ चौका र ३ छक्का हान्दै ५८ रन जोड्दै अभिजित रहे ।

ब्रान्डनले १९ बलमा २५ रन जोडेर आउट भए भने शैफ जैबले २१ बलमा ३२ रन जोडे । उनले ३ चौका र २ छक्का हाने । यस्तै दिपेन्दै ऐरीले १६ बलमा २० रन जोडे ।

यसअघि टस जितेर पहिले ब्याटिङ रोजेको जनकपुरले निर्धारित २० ओभरमा ८ विकेट गुमाएर १३९ रन बनायो ।

जनकपुरका लागि नसिमले सर्वाधिक ४५ रन, शुभ कंसकारले २६, लाहिरु मिलान्था, हर्ष थेकरले सामान १२–१२ रन जोडे ।

बलिङमा दिपेन्द्र ऐरीले ३ विकेट र शैफ जौफले २ विकेट लिए ।

अब दोश्रो क्वालिफायर्समा जनकपुर र कर्णाली भिड्ने छन् । दोश्रो क्वालिफायर्स जित्ने टिम फाइनलमा पुग्ने छ ।