काठमाण्डु– नेपाल प्रिमियर लिग (एनपीएल)को दोस्रो क्वालिफायरमा जनकपुरले सनदार जित निकालेको छ । कर्णालीलाई २ विकेटले हराँउदै जनकपुरले जित निकालेको हो ।

कर्णालीले दिएको ११९ रनको लक्ष्य पछ्याएको जनकपुरले १९ ओभरमा ८  विकेट गुमाएर लक्ष्य भेट्टायाे ।

जनकपुरका लागि सर्वाधिक जेम्स निशमले ४५ रन जोडे भने मायन यादवले १४,हर्ष थेकरले १७ रन जोडे ।

कर्णालीका लागि बिपिन शर्माले ३ विकेट लिए ।

यसअघि,टस हारेर पहिले ब्याटिङ गरेको कर्णालीले निर्धारित २० ओभरमा ९ विकेट गुमाएर ११८ रन बनायो । यो जित सँगै जनकपुर फाइनल पुगेको छ । शनिबार जनकपुरले सूदुरपश्चिमसँग फाइनल खेल्नेछ ।

कर्णालीका लागि देव खनालले सर्वाधिक २४ रन जोडे । उनले २० बलमा ३ चौका र १ छक्का हान्दै २० रनमा आउट भए । गुलशन झाले २० बलमा २५ रन जोडे ।

यस्तै जीशान मक्सुदले ११ बलमा १२ रन, विलियम बोसिस्टोले १५ बलमा १४ रन, चाडविक वाल्टनले १३ बलमा ११ रन जोडे ।

जनकपुरका लागि ललित राजवंसी र मोहम्मद मोसिनले समान २–२ विकेट, जेम्स निशाम, हर्ष थेकरले एक एक विकेट लिए ।