भोजपुर – आमचोक गाउँपालिका–१० स्थित बाघताङ्ग जंगलबाट भरूवा बन्दुक १ नाल र बन्दुकको ७ राउण्ड गोलीसहित २ जनालाई मंगलबार दिउँसो प्रहरीले पक्राउ गरेको छ ।

पक्राउ पर्नेहरूमा आमचोर गाउँपालिका–१० खम्ब्याङ बस्ने ३० वर्षीय बुद्ध चन्द्र राई र २५ वर्षीय सुदिप राई रहेका छन् ।

ईलाका प्रहरी कार्यालय बालंखाबाट खटिएको प्रहरी टोलीले उनीहरूलाई बन्दुक र गोलीसहित पक्राउ गरेको छ ।

बन्दुक सम्बन्धमा आवश्यक अनुसन्धान गरिरहेको प्रहरीले जनाएको छ ।