काठमाण्डु – नेकपा माओवादी केन्द्र निकट अखिल क्रान्तिकारीको नेतृत्व चयनका लागि हुने निर्वाचन कार्यतालिका सार्वजनिक भएको छ ।

प्रमुख निर्वाचन अधिकृत मुक्ति नारायण प्रधानद्वारा बुधबार जारी कार्यतालिका अनुसार पुस १० गतेदेखि निर्वाचन कार्यक्रम सुरु हुनेछ ।

क्रान्तिकारीले संगठनमा उमेरहद लागू गर्ने कि नगर्ने भन्ने छिनोफानो पनि निर्वाचनद्वारा नै गर्नेछ, त्यसका लागि पुस १३ गते मतदान हुने जनाइएको छ ।

नेतृत्व चयनका लागि पुस १७ गते मतदान हुने प्रमुख निर्वाचन अधिकृत प्रधानले बताए । यसअघि गत असोजमा २३औं राष्ट्रिय सम्मेलन आयोजना गरेको क्रान्तिकारीले विवाद उत्पन्न भएपछि सम्मेलन स्थगित गरेको थियो ।