काठमाण्डु- आइसिसीले च्याम्पियन्स ट्रफी क्रिकेट २०२५ को खेल तालिका सार्वजनिक गरेको छ ।

हाइब्रिड मोडलमा हुने प्रतियोगिता फ्रेबुअरी १९ देखि मार्च ९ सम्म हुनेछ । प्रतियोगितामा १५ खेल हुनेछन् । दोस्रो सेमिफाइनल र फाइनलका लागि रिजर्भ डे पनि राखिएको छ ।

प्रतियोगिताको उद्घाटन खेलमा आयोजक पाकिस्तान र न्युजिल्यान्डले प्रतिस्पर्धा गर्नेछन् । उद्घाटन खेल पाकिस्तानको कराँचीमा हुनेछ ।

यसैगरी भारत र पाकिस्तानबीचको खेल फेब्रुअरी २३ मा दुबइमा हुनेछ । भारतले आफ्ना सबै खेल दुबइमा खेल्नेछ ।

सेमिफाइनल पनि दुबईमै हुनेछ । यदि भारत फाइनलमा पुग्यो भने यो खेल पनि दुबईमा हुनेछ । १० खेल भने पाकिस्तानमा हुनेछन् ।

समुह ‘ए’ मा भारत, पाकिस्तान, बंगलादेश र न्युजिल्यान्ड तथा समूह ‘बी’ मा अस्ट्रेलिया, इंङ्ल्यान्ड , दक्षिण अफ्रिका र अफगानिस्तान छन् ।