काठमाण्डु – पाकिस्तान सुपर लिग (पीएसएल) २०२५ ड्राफ्टमा नेपालका ६ खेलाडी परेका छन् ।

पाकिस्तान सुपर लिगले बुधबार जारी गरेको सिल्भर समूहको सूचीमा नेपालका ६ खेलाडी समावेश छन् ।

ड्राफ्टमा परेका नेपाली खेलाडीमा आसिफ शेख, अर्जुन साउँद, देव खनाल, दीपेन्द्रसिंह ऐरी, गुलशनकुमार झा र सोमपाल कामी छन् ।

पीएसएलको खेलाडी ड्राफ्टबाट छनोट गरिनेछ । पीएसएलका अनुसार खेलाडी ड्राफ्ट १३ जनवरीमा पाकिस्तानको लाहोरमा हुनेछ ।

दशौं संस्करणको पीएसएल १० अप्रिलमा सुरु हुनेछ । लिगमा अघिल्ला संस्करणमा जस्तै यसपटक पनि ६ टोलीबीच प्रतिस्पर्धा हुने जनाइएको छ ।