काठमाण्डु- सरकारले नेपाल प्रहरीका पाँच जना वरिष्ठ उपरीक्षक (एसएसपी)को नायब महानिरीक्षक (डीआईजी) मा बढुवा गरेको छ ।

बढुवा हुनेहरूमा ईश्वर कार्की, राजेन्द्र प्रसाद भट्ट, दिनेश कुमार आचार्य, अरुण पौडेल र गोविन्द थपलिया छन् । गत शुक्रबार बसेको मन्त्रिपरिषद् बैठकले रिक्त ५ पदमा डीआईजी बढुवा गरेको हो ।

गृहमन्त्री रमेश लेखकले यसअघि बढुवा सिफारिस समितिको सिफारिसअनुसार ५ एसएसपीलाई डीआईजीमा बढुवा गर्ने निर्णय गरेका हुन ।

बढुवासँगै उनीहरूको पदस्थापन पनि भएको छ । कार्की अन्वेषण योजना तथा विकास निर्देशनालयमा पदास्थापन भएका छन् भने भट्ट कार्य विभागको कार्य निर्देशनालयमा पदास्थापन भएका हुन् ।

आचार्य प्रहरी महानिरीक्षकको सचिवालय, पौडेल अपराध अनुसन्धान निर्देशनालय र थपलिया प्रदेश समन्वय विभागमा पदस्थापन भएका छन् ।