काठमाण्डु– प्रहरी उपरीक्षक प्रमुख रहने चार जिल्लामा प्रहरी प्रमुख पद रिक्त भएको छ । सोमबार २५ प्रहरी उपरीक्षक (एसपी)को वरिष्ठ उपरीक्षक (एसएसपी)मा बढुवा सिफारिस हुँदा ४ जिल्लामा प्रमुख रहेकाहरू बढुवा सिफारिसमा परेपछि खाली भएको हो ।

एसएसपी बढुवा सिफारिसमा बारा प्रहरी प्रमुख एसपी महेन्द्र खड्का, सिन्धुपाल्चोक प्रहरी प्रमुख एसपी सन्तोष खड्का, नुवाकोट प्रहरी प्रमुख एसपी शान्तिराज कोइराला र इलाम प्रहरी प्रमुख एसपी प्रभु ढकाल परेका छन् ।

उनीहरू एसएसपीमा बढुवा सिफारिस भएसँगै ती जिल्लामा नयाँ एसपी पठाउने तयारी प्रहरी प्रधान कार्यालयले गरेको छ ।

ती बाहेक पर्सा, रुपन्देही, बाके, गोरखा, काभ्रे, कंचनपुर, झापा, बागलुङ, कैलाली, डोटी, गुल्मी, मोरङ, सुर्खेतलगायत जिल्लामा प्रमुख रहेका एसपीहरूको १ बर्ष समयावधि पुगेकाले नयाँ पठाउने तयारी प्रहरी महानिरीक्षक (आइजीपी) वसन्त बहादुर कुँवरले गरेका निकटतम स्रोतले जानकारी दियो ।

प्रहरीमा पर्सा, बारा, रुपन्देही, बाके, काभ्रे, झापा, मोरङ, कैलाली, कंचनपुरको नेतृत्व आकर्षक मानिन्छ । यी जिल्लामा जानको एसपीहरू कोसिस गरिरहेका प्रहरी मुख्यालय स्रेतले जानकारी दियो ।

याे पनि पढ्नुहाेस् :-  २५ जना एसपी एसएसपीमा बढुवा सिफारिस (सूचीसहित)