काठमाण्डु– गार्डियन माइक्रो इन्सुरेन्स कम्पनिले आइपीओ बाँडफाँँडको तयारी सुरु गरेको छ ।  गत पुस २१ गतेदेखि २४ गतेसम्म सर्वसाधरणका लागि खुलाएको आइपीओ बाँडफाँडको तयारी गरेको हो । 

बिक्री प्रबन्धक कुमारी क्यापिटलका अनुसार  आइपीओ बाँडफाँड अर्को साता हुने भएको छ । अर्को हप्ताको  सुरुवाततिर आइपीओ बाँडफाँड गर्ने तयारीमा कम्पनी रहेको कुमारी  क्यापिटलले जानकारी दियो । 

कम्पनीले पुस २१ गतेदेखि २४ गतेसम्म सर्वसाधरणका लागि प्रतिकित्ता १०० रुपैयाँका दरमा १८ करोड ४५ लाख रुपैयाँ बराबरको १८ लाख ४५ हजार कित्ता सेयर निष्कासनमा ल्याएको थियो । 

जसमा १९ लाख ६ हजार ८४८ जनाले कुल २ करोड ५१ लाख ९० हजार ३६० कित्ताका लागि आवेदन दिएका छन् । 

यसमा मागभन्दा १३.६५ गुणा बढी आवेदन परेको छ । 

 बाँडफाँड  पछि १ लाख ८४ हजार ५०० जनाले  चाहेको (कित्ता) सेयर हात पार्नेछन् भने  बाँकी १७ लाख २२ हजार ३४८ जनाको भने हात खाली हुनेछ । आइपीओ  गोलाप्रथाबाट बाँडफाँट हुनेछ ।