काठमाण्डु– पेट्रोलियम पदार्थको मूल्य घटेको छ । नेपाल आयल निगमले प्रतिलिटर ३ रुपैयाँले पेट्रोलियम पदार्थको मूल्य घटाएको हो ।

जसअनुसार पेट्रोल, डिजेल र मट्टीतेल सबैको मूल्य प्रतिलिटर ३ रुपैयाँले घटेको छ ।

मूल्य घटेसँगै अब काठमाण्डूमा पेट्रोलको प्रतिलिटर १६० र डिजेल तथा मट्टितेलको प्रतिलिटर १४६ रुपैयाँ कायम हुने छ ।

भारतबाट इन्धनको मूल्य घटेर आएकाले यहाँ पनि सोहीअनुसार समायोजन गरिएको निगमले जनाएको छ ।

समायोजन भएको मूल्य बुधबारदेखि लागु हुने निगमले जनाएको छ ।