काठमाडौं – नेपाली सेनाका प्रधानसेनापति पुर्णचन्द्र थापा र साउदी अरवका राजदूत मुसाइल विन सलमान अल मरवानीबीच शिष्टाचार भेटवार्ता भएको छ । 

सैनिक मुख्यालयमा शुक्रवार भएको भेटवार्तामा द्धिपक्षीय हित तथा पारस्परिक सम्बन्धका विषयमा छलफल भएको सैनिक मुख्यालयले जनाएको छ । प्रधानसेनापतिमा थापा नियुक्त भएपछि साउदी अरवका राजदूतको यो पहिलो भेटवार्ता हो । 

थापासंग यसअघि अमेरिका,चीन र भारतलगायत देशका राजदूतहरुले शिष्टाचार भेटवार्ता गरेका थिए । थापा भारत भ्रमणबाट फर्केकै भोलिपल्ट नेपालका लागी नवनियुक्त चिनियां राजदूतले समेत भेटवार्ता गरेकी थिईन् ।