एजेन्सी – अमेरिकी राष्ट्रपति डोनाल्ड ट्रम्पसँगको भेटवार्ताका लागि उत्तर कोरियाली नेता किम जोङ–उन शनिबार सांझ राजधानी प्योङयाङबाट रेलमार्फत् भिएतनाम प्रस्थान गरेका छन् । किम आफ्नी बहिनी किम यो जोङ तथा उनका केही नकिजका सहयोगी अधिकारीसँग त्यसतर्फ प्रस्थान गरेका हुन्।

किम र ट्रम्पबिच भियतनाममा फेब्रुअरी २७ र २८ मा औपचारिक भेटवार्ता हुँदैछ । गएको वर्षको जुनमा सिंगापुरमा पहिलो ऐतिहासिक भेटवार्ता गरेका किम र ट्रम्पबिच दोस्रोपटक भेट हुन लागेको हो । यो भेटमा सिंगापुरको ऐतिहासिक भेटवार्तामा भएको सहमतिको कार्यान्वयनको अवस्था र भावी रणनीतिबारे छलफल हुने र नयाँ सहमति हुने बताइएको छ ।

उत्तर कोरियाका नेता किम विशेष रेल चढेर शनिबार भियतनाम प्रस्थान गरेका हुन् । उनी चीनको सीमा क्षेत्र हुँदै भियतनामा पुग्ने छन् । आउँदो बुधबार र बिहीबार हुने भेटवार्तामा विश्व समुदायको चासो छ । भियनामको राजधानीमा हुने वार्ताका लागि नेता किम प्रस्थान गरेको उत्तर कोरियाको राष्ट्रिय सञ्चारमाध्यले पुष्टि गरेको छ ।