काठमाडौं – न्याय परिषद्ले सर्वोच्च अदालतको रिक्त पदमा पाँच जनाको नाम सिफारिस गरेको छ । मंगलबार प्रधानन्यायाधीश चोलेन्द्र शमशेर राणाको अध्यक्षतामा बसेको परिषद् बैठकले सो निर्णय गरेको हो ।

परिषद्ले उच्च अदालत पाटन र सुर्खेतका मुख्य न्यायाधीश प्रकाश ढुङगाना र सुष्मालता माथेमा, वरिष्ठ अधिवक्ता कुमार रेग्मी, पूर्व महान्यायाधीवक्ता तथा अधिवक्ता हरिप्रसाद फुयाँल र अधिवक्ता डा. मनोजकुमार शर्मालाई नियुक्त गरेको हो ।

यस्तै बैठकले उच्च अदालतमा रिक्त रहेका २१ न्यायाधीश समेतको नियुक्ती र पदस्थापन गरेको छ ।