एजेन्सी – जापानमा स्कूले बालबालिकामाथि अन्धाधुन्ध चक्कू प्रहार भएको छ । चक्कू प्रहारबाट दुई जनाको मृत्यु भएको छ भने १६ जना घाइते भएका प्रहरीले जनाएको छ ।

बीबीसीका अनुसार जापानको शहर कावासाकीमा बस पर्खेर बसेका स्कुले बालबालिकामाथि मंगलबार एक मानिसले अन्धाधुन्द चक्कू आक्रमण गरेका थिए ।

सो आक्रमणबाट मारिनेमा एक जना बालिका पनि भएको जनाएको छ । सो आक्रमणकारीले अन्त्यमा आफ्नै घाँटीमा चक्कू हानेको थियो । उसलाई प्रहरीले पक्राउ गरेको थियो तर चोटका कारण उसको मृत्यु भएको जनाइएको छ । उसले किन बालबालिकालाई आक्रमण गरेको थियो भन्ने कुरा खुलेको छैन ।