काठमाडौं-  सरकारको मन्त्रीपरिषद विस्तार भएको छ । आज प्रधानमन्त्री केपी शर्मा अोलीले मन्त्रीपरिषदमा ४ जना मन्त्री थपेका छन् । 

माओवादी केन्द्रका रामबहादुर थापा बादलले गृह मन्त्रालय, एमाले महासचिव ईश्वर पोखरेलले रक्षा मन्त्रालय, डा.युवराज खतिवडाले अर्थ र मातृका यादवले उद्योग वाणिज्य तथा आपूर्तिमन्त्रालय पाएका छन् ।

नवनियुत्त मन्त्रीलाई आज बेलुका राष्ट्रपति विद्यादेवी भण्डारीले पद तथा गोपनीयताको सपथ खुवाएकी छन् ।

प्रधानमन्त्रीले सपथ लिएको ११ दिनपछि मन्त्रिपरिषदमा ४ जना सदस्य थप गरेका हुन् ।

एमाले र माअोवादी केन्द्रका २/२ जना मन्त्रीसँगै अब अोली सरकार ७ सदस्यीय बनेको छ ।