काभ्रे – काभ्रेपलान्चोकको पनौती नगरपालिकाको बाँसघारीमा प्रहरीको गाडी दुर्घटना हुँदा ८ जना प्रहरी घाइते भएका छन् ।

मण्डनदेउपुर नगरपालिकामा मोटरसाइकल दुर्घटना भएपछि दुर्घटनास्थलमा हिडेको प्रहरीको गाडी जिपसँग ठोक्कीएर दुर्घटना भएको हो ।

ना १ ग ४८४ नम्बरको प्रहरीको गाडीले रोकेर राखेको बा १३ च ५०७५ नम्बरको जिपलाई पछाडीबाट ठक्कर दिएको थियो । प्रहरीको गाडीमा सवार २१ मध्ये ८ जना घाइते भएको डिएसपी दिपक गिरीले जानकारी दिए ।

दुर्घटनामा प्रहरी हवल्दार बलराम तमाङको टाउकोमा चोट लागेर गम्भीर घाइते भएका छन् । उनलाई उपचारका लागि काठमाडौं पठाइएको छ । अन्य घाइते प्रहरीको बनेपा अस्पतालमा उपचार भइरहेको छ ।