काठमाडौं – उपप्रधान तथा रक्षामन्त्री ईश्वर पोखरेलले कार्यवाहक प्रधानमन्त्रीको जिम्मेवारी पाएका छन् ।

प्रधानमन्त्री केपी शर्मा ओली स्वास्थ्य परीक्षणका लागि सिंगापुर प्रस्थान गरेपछि राष्ट्रपति विद्यादेवी भण्डारीले उनलाई दैनिक प्रशासनिक कार्य सञ्चालन गर्न कार्यबाहक प्रधानमन्त्रीको जिम्मेवारी दिएकी हुन् ।

प्रधानमन्त्री ओली स्वास्थ्य परीक्षण सकेर २० गते स्वदेश फर्किने कार्यक्रम रहेको छ । उनीसँगै पत्नी राधिका शाक्य, प्रमुख सल्लाहकार विष्णु रिमाल, प्रधानमन्त्रीका निजी चिकित्सक दिव्या सिंह र प्रमुख स्वकीय सचिव राजेश बज्राचार्यसहितको टोली रहेका छन् ।