काठमाडौं – क्रिकेटर सन्दीप लामिछाने र राष्ट्रिय क्रिकेट टोलीका कप्तान पारस खड्काबीचको विवाद उत्कर्षमा पुगेको छ । केहि दिनयता सन्दीपले पारसलाई सामाजिक सञ्जाल ट्वीटर र इन्स्टाग्राममा अनफलो गरेपछि नेपाली क्रिकेटका प्रशंसक र फ्यानहरु सन्दीपमाथि आक्राशित बनेका छन् ।
पारसलार्ई अनफलो गरेपछि ट्वीटरमा मिलन सापकोटा लेख्छन्, ‘भनेसी सन्दीप लामिछानेले पारस खड्का दाजुलाई अनफलो गरेछन् । अनफलोमा विवाद के थियो थाहा भएन तर सन्दिपले जे गरे गलत गरे, पैसा कमाए होलान सन्दिपले तर पारस दाजुको लेवलमा आउन वर्षौ लाग्छ । नेपालीले नै हिरो बनाए सन्दिपलाई , जिरो नि बनाउन सक्छन् ।’ सापकोटाले लेखेका छन, ‘सधै विवादमा आउँछ सन्दीप । पैसाले मातेको चाहिँ रैछ । मैले सुनेको कि सिपीएलबाट बोलाउँदा रिसाको रे ?’
मिलन सापकोटा ह्यान्डलबाट गरिएको उक्त ट्वीटमा सन्दीपले सवाल जवाफमा उत्रिँदैं लेखेका छन्, ‘सुन्नेकुरा धेरै हुन्छ हजुर । कसको सुन्नुहुन्छ तपाईले ? म नि हेरुमन कसले भनेको रहेछ कि सिपीएलबाट बोलाउँदा म रिसाए, सत्य कुरा नबुझीकन जे पनि भन्न सजिलो हुन्छ । कति सजिलै तपाईले मलाई जज गर्नु भयो है ? मन सफा हुनुपर्छ हजुर पैसा त आउने जाने कुरा हो ।’
नेपाली क्रिकेट टोली सिंगापुरमा हुने त्रिकोणात्मक श्रृंखलाका लागि बुधबार सिंगापुर प्रस्थान गरेको छ । सन्दीप भने सीपिएलबाट सिधैं सिंगापुर आएका हुन् । सन्दीपले सामाजिक सञ्जालबाट कप्तान पारस खड्कालाई अनफलो गरेसँगै दुई खेलाडी बीच बिवाद भएको भन्दै फ्यानहरु आक्रोशित बनेका छन् भने उनीहरुले सन्दीपको आलोचना गरिररहेका छन् ।
प्रतिक्रिया