काठमाण्डौ –गृहमन्त्री जनार्दन शर्माले नेपाल प्रहरीको सरुवा बढुवामा नियमविपरीत हस्तक्षेप गरेको भन्दै व्यवस्थापिका संसद बैठकमा उनको चर्को आलोचना भएको छ । सत्तारुढ दल नेपाली कांग्रेसका सांसद रामहरी खतिवडाले गृहमन्त्रालय छापामारशैलीमा सञ्चालन गरेको आरोप लगाएका छन ।
व्यवस्थापिका संसदमा विशेष समय लिएर शुक्रबार बोल्दै उनले गृहमन्त्रीले प्रहरी संगठन सुदृढ गर्नुको साटो ध्वस्त बनाउन केन्द्रित रहेको आरोप लगाए । उनले गृहमन्त्रीले नियुक्त गरेका सुरक्षा सल्लहकारले भुमिगत शैलीमा प्रहरी संगठन चलाई रहेको भन्दै त्यसमा समेत आपत्ती जनाए ।
गृहमन्त्री शर्माले नियुक्त गरेको आन्तरीक्ष्क सुरक्षा विज्ञ अवकासप्राप्त एआईजी सुरेन्द्र बहादुर शाहले प्रहरीको सरुवा बढुवामा प्रहरी मुख्यालयलाई अनावश्यक दबाव दिएको भन्दै आलोचना भइरहेको छ ।
ब्यवस्थापिका बैठकमा जवाफल दिदै गृहमन्त्री शर्मा ।
खतिवडाले प्रदेश र संघियताका नाममा आफ्ना मान्छे राख्न हचुवाका भरमा गृहमन्त्रालयले एआईजी खटाएको भन्दै उनले गृहमन्त्री शर्माले नाता र दाताका कारण सरुवा बढुवा गरेको आरोपसमेत लगाए । प्रमुख जिल्ला अधिकारीहरु पनि एक महिना नपुग्दै सरुवा गरेर मन्त्री शर्माले मनोमानी गरेको खतिवडाको आरोप थियो ।
संसद बैठकमा जवाफ दिदै गृहमन्त्री शर्माले प्रहरीको सरुवा–बढुवा नितीसंगत ढंगले भएको दावी गरेका छन् । उनले प्रहरीको सरुवाको बारेमा सधै उठ्ने प्रश्नको हल गर्न ऐन ल्याउने तयारी भएको समेत जानकारी दिए ।
गृहमन्त्री शर्माले व्यवस्थापिका बैठकमा जवाफ दिदै भने ‘प्रहरीको बढुवा नितिसंगत ढंगले भएको छ, बढुवा भएका प्रहरी मेरो नातेदार होईनन, कोही आफ्ना मान्छे बढुवा भएका पनि छैनन्, न त सिभिल कुनैलाई प्रहरीमा पनि बढुवा गरीएको छ ।’ उनले प्रहरीको बढुवा सरुवामा आफ्नो कुनै हस्तक्षेप समेत नभएको दाबी गरे ।
प्रतिक्रिया