काठमाडौं – भारतीय क्रिकेटर सचिन तेन्दुलकर नेपाल आइपुगेका छन् । उनी युनिसेफको सद्भावना दूतको हैसियतमा नेपाल आएका हुन् ।

काठमाडौं आइपुगे लगत्तै त्रिभुवन विमानस्थलमा सचिनले नेपाल आउन पाउँदा खुसी लागेको प्रतिक्रिया दिए । नेपाल भ्रमणका क्रममा उनले शनिबार बिहान किर्तिपुर स्थित टियु मैदानमा बालबालिकासँग क्रिकेट खेल्दैछन् । खेल १० ओभरको हुनेछ ।

बाल अधिकार सम्बन्धि महासन्धी पारित भएको ३० वर्ष पुगेको उपलक्ष्यमा युनिसेफले सचिनलाई नेपाल डाकेको हो । प्रहरी स्रोतका अनुसार सचिन दिउँसो काभ्रेपलाञ्चोकको एउटा कार्यक्रममा सहभागि हुनेछन् । उनी शनिबार नै भारत फर्कनेछन् ।