वसिङटन – अमेरिकी राष्ट्रपति डोनाल्ड ट्रम्प फेरी आफ्नो ट्वीटका कारण ट्रोलको शिकार बनेका छन् । ट्रम्पले आधिकारिक ट्वीटर ह्यान्डलबाट एक तस्बिर सेयर गरेका छन् । जसमा उनले बक्सर रकी बाल्बोआको तस्बिरमा आफ्नो अनुहार राखेका छन् ।

बक्सर रकी बाल्बोआको फोटोसप गरिएको यो तस्बीरमा ट्वीट गर्दाको समयमा ट्रम्पले कुनै चित्र वर्णन(क्याप्सन) राखेका छैनन् । यो तस्बिर फिल्म रकी थर्डका अभिनेता सिल्भेस्टर स्टेलोनको हो । उनी फिल्ममाा बक्सर रकी बाल्बोआ बनेका छन् ।

यो फिल्म १९८२ मा रिलिज भएको थियो । जसले हलिउडमा व्यापक लोकप्रियता कमाएको थियो ।

अमेरिकी राष्ट्रपति ट्रम्प हाल वेस्ट पाम बीच गल्फ क्लबमा आफ्ना नजिकका साथीहरुसँग गल्फ खेल्नका लागि गएका छन् । जहाँ गल्फ कोर्टका लागि भुक्तानी गरिएको भाडाको विषयलाई लिएर विवाद भइरहेको छ ।