काठमाडौं—१३औं दक्षिण एसियाली खेलकुद (साग) अन्तर्गत पौडीमा गौरिका सिंहले फेरि अर्काे स्वर्ण पदक जितेकी छिन्।

सातदोबाटोस्थित हिटिङ स्वीमिङ पुलमा शुक्रबार भएको २ सय मिटर ब्याक स्ट्रोकमा गौरिकाले स्वर्ण जित्दै आफ्नो नाममा २ वटा स्वर्ण पदक कायम गराएकी हुन्। उनले २ मिनेट १७।७३ सेकेण्डमा निर्धारित दूरी पूरा गरिन्।

त्यस्तै, भारतकी मन्ना पटेलले रजत पदक पाइन् । उनले २ मिनेट २०।७० सेकेण्डमा निर्धारित दूरी पूरा गरिन्। त्यस्तै, कास्य पदक श्रीलंकाकी गंगा सेनले पाइन्।
बिहीबार मात्रै भएको महिला २ सय मिटर फ्री स्टाइल पौडीमा स्वर्ण पदक पाएकी उनको यो दोस्रो स्वर्ण पदक हो।