एजेन्सी – नागरिकता संशोधन कानुनलाई लिएर हिंसा भड्किएपछि भारतको उत्तर प्रदेश राज्यका ७५ मध्ये २१ जिल्लामा इन्टरनेट बन्द गरिएको छ ।

उत्तर प्रदेश सरकारले शुक्रवार हुने जुमे की नमाजलाई बिचार गर्दै त्यहाँका २१ जिल्लामा इन्टरनेट सेवा पूरै बन्द गरिदिएको हो । उत्तर प्रदेश पुलिसका डीजीपी ओपी सिंहका अनुसार राज्यका २१ जिल्लामा शुक्रवार दिनभरि इन्टरनेट सेवा ठप्प पारिएको छ ।

‘राज्यमा कानुन व्यवस्था पूर्णरुपमा नियन्त्रणमा छ । हामी सुरक्षाबलको की रणनीतिक तैनाथीमा लगातार लागिरहेका छौँ । एसआईटीको टिम विभिन्न मामिलाको जाँचमा लागेको छ । हामीले २१ जिल्लामा इन्टरनेट सेवा रोकेका छौँ । परिस्थिति सामान्य भएपछि इन्टरनेट सेवा फर्किनेछ ।’

नागरिकता संशोधन कानुनको विरोधमा सबैभन्दा हिंसक प्रदर्शन उत्तर प्रदेशमा भइरहेको छ । प्रदर्शनका क्रममा कयौँ मानिसको ज्यान गइसकेको छ ।