काठमाडौं – पाँचथर, पाल्पा र बाँकेका विभिन्न स्थानमा भएका छुट्टाछुट्टै सवारी दुर्घटनामा परी ३ जनाको मृत्यु भएको छ । पाँचथर, फिदिम नगरपालिका-१ वुद्धमार्गस्थित सडकमा ‘अनटेस्ट’ लेखिएको स्कुटर दुर्घटना हुँदा गम्भीर घाइते भएका स्कुटर चालक फिदिम नगरपालिका-२ साम्दिन बस्ने ४३ बर्षीय विष्णु लिम्वुको सर्मपित अस्पतालमा उपचारको क्रममा शुक्रबार राति मृत्यु भएको छ ।

पाल्पा, माथागढी गाउँपालिका-७ फेंदीस्थित सडकमा लु.३ त ९२४३ नम्वरको ट्याक्टरबाट खसेर गम्भीर घाइते भएका सोही ठाउँ बस्ने ३५ वर्षीय टेकबहादुर बरालको लुम्बिनी मेडिकल कलेज प्रभाषमा उपचारको क्रममा शुक्रबार राति मृत्यु भएको छ । ट्याक्टर र चालकलाई प्रहरीले नियन्त्रणमा लिएको छ ।

बाँके, राप्तीसोनारी गाउँपालिका-८ खल्लागाउँ बस्ने शेर बहादुर पुनको घरमा पार्किङ गरी राखेको उनकै ट्याक्टर एक्कासि गुड्न गई उनकी १८ महिनाकी छोरीलाई किच्दा शनिबार दिउँसो मृत्यु भएको छ । दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।