लण्डन – बेलायतका राजकुमार ह्यारी र उनकी पत्नीले आफूहरु वरिष्ठ शाही पदबाट हट्ने घोषणा गरेका छन् । दम्पतीले आफूहरु आर्थिक रुपमा स्वतन्त्र हुन चाहेका उल्लेख गरेका छन् । हालैमात्र एक वक्तव्य जारी उनीहरुले यस्तो निर्णय गरेका हुन् ।

उनीहरुले आगामी समय–समय बेलायत र उत्तर अमेरिकाको बीचमा बिताउन चाहेकोसमेत उल्लेख गरेका छन् । उनीहरुले यस किसिमको निर्णय भएको वक्तव्य जारी गर्न अगाडि आफ्ना दाजु राजकुमार विलियम, महारानी वा बकिंघम प्यालेस कसैसँग पनि कुरा नगरेको उल्लेख गरेका छन् । यसै कारणले बकिंघम प्यालेस निराश भएको बताइएको छ ।

उनीहरुले वरिष्ठ शाहीलाई समेत यो वक्तव्यको मार्फत चोट पुर्याएको जनाइएको छ । बुधबार ह्यारी दम्पतीको अचानकको घोषणा उनीहरुको इन्स्ट्राग्राममा पनि पोस्ट गरिएको थियो ।