बेइजिङ – चीनबाट सुरु भएको कोरोना भाइरसको पीडा अझै जारी छ । हाल यो विश्वका १० देशमा फैलिसकेको छ । चीनमा हालसम्म ८० को मृत्यु भएको छ । अमेरिकामा पनि कोरोना भाइरसबाट पीडित भएको पुष्टि भइसकेको छ ।

विश्वभरी कोरोना भाइरसबाट प्रभावित हुनेको संख्या २ हजार ७४४ पुगेको समाचार संस्था पीटीआईले जनाएको छ । यो जानकारी चीनको नेशनल हेल्थ कमिसनले दिएको हो । कमिसनका अनुसार ४६१ मनिसको अवस्था गंभीर रहेको छ ।

विगत २४ घण्टाको अवधिमा ७६९ निश्चित केस तथा २४ मानिसको मृत्यू भएको पुष्टि समेत भइसकेको छ । यसबाट बच्नका लागि चीनमा युद्धस्तरमा काम भइरहेको छ । कैयौं प्रमुख सहरहरुमा मानिसलाई घरबाट बाहिर जानबाट प्रतिबन्ध लगाइएको छ ।

अमेरिकाममा पनि यो भाइरस पुगिसकेको छ । अमेरिकी स्वास्थ्य निकायले देशमा पाँच बिरामीमा यो भाइरस भएको पुष्टि गरेको छ ।