रोशन खड्का
काठमाण्डौ– दोस्रो पटक प्रधानमन्त्री बनेपछि पहिलो चीन भ्रमणको तयारीमा रहेका प्रधानमन्त्री पुष्पकमल दाहाल ‘प्रचण्ड’ को चिनिया राष्ट्रपति सी चिनफिङसंग भेटवार्ता हुने सम्भावना लगभग अन्त भएको छ । चिनिया उच्च स्रोतले दिएको जानकारीअनुसार चिनिया राष्ट्रपति सी प्रधानमन्त्री दाहालसंग भेट्न इच्छुक नदेखिएपछि प्रधानमन्त्रीको चीन भ्रमण नै अनिश्चीत भएको हो ।

“प्रधानमन्त्री दाहालको राष्ट्रपति सिसंगको वान टु वान मिटिङ लगभग असम्भव भइसकेको छ, चीन भ्रमण गर्ने वा नगर्ने भन्ने कुरा प्रधानमन्त्रीको हातमा छ ।” चिनिया उच्च स्रोतले मुलधारलाई भन्यो ।

स्रोतकाअनुसार एमाले अध्यक्ष केपी ओली नेतृत्वको सरकार ढलेपछि चिन प्रधानमन्त्री दाहालप्रती खुसी छैन् । “दाहाल प्रधानमन्त्री भएपछि राष्ट्रपति सी त्यती खुसी छैनन्, विगतमा एमाले अध्यक्ष ओली प्रधानमन्त्री हुदा गरिएको सहयोग पनि खेर गएको चिनिया वुझाई छ । ” स्रोतले भन्यो ।
सत्तारुढ दल नेपाली कांग्रेस र एमाओवादीविच पालै पालो नौ महिना प्रधानमन्त्री चलाउने सहमती भएकाले पनि चिनिया पक्ष प्रचण्डसंग कुनै पनि ठुलो सम्झौता नगर्ने मुडमा रहेको छ ।

“विगतमा पनि ओलीसंग भएका सम्झौता लागु भएन्, यसपटक पनि प्रधानमन्त्री परिवर्तन हुने लगभग निश्चित छ ,त्यसैले पनि चिनिया पक्षले भ्रमणलाई ठुलो महत्व दिएको   देखिदैन ।” चिनिया स्रोतले भन्यो ।

चीनको हाईनान प्रान्तमा मार्च २३ देखि २६ सम्म  हुने बोआओ फोरममा सहभागी हुन प्रधानमन्त्री चीन भ्रमणमा जाने तयारीमा रहेको वेला चिनवाट यस्तो सन्देश आएपछि प्रधानमन्त्रीको भ्रमणबारे पनि अन्यौलता छाएको छ ।   प्रधानमन्त्री दाहालका चिनिया समकक्षी  लि कचियाङ पनि दाहालको चिन भ्रमणको बेला बेइजिङ वाहिर रहने भएकाले प्रधानमन्त्रीले को संग वार्ता गर्ने भन्ने विषयले पनि अन्यौलता छाएको छ ।

बोआओ फोरमको उद्घाटन यसपटक राष्ट्रपति सीले गर्ने कार्यक्रम भएकाले त्यसमा प्रधानमन्त्री दाहालसंग भेट हुने सम्भावना भएपनि औपचारीक वार्ता भने लगभग सकिएको वेइजिङस्थित उच्च स्रोतले दावी गरेको छ ।

प्रधानमन्त्रीले बोआओ फोरममा सहभागी हुन जानुअघि वेइजिङमा द्धिपक्षीय वार्ता गर्ने  चाहना राखेपनि चिनिया पक्षको व्यस्तताले प्रधानमन्त्रीको चाहना पुरा नहुने देखिएको छ ।