काठमाण्डु- अन्तर्राष्ट्रिय क्रिकेट काउन्सिल (आईसीसी) ले खेलाडीको नयाँ वरीयता जारी गरेको छ ।

बुधबार सार्वजनिक टी-२० ब्याटर वरीयता अनुसार कप्तान रोहित पौडेलले वरीयता सुधार गरेका छन् । उनी दुई स्थान सुधार गरेर ५५औँ स्थानमा छन् । त्यस्तै ओपनर आसिफ शेखले पनि एक स्थानको सुधार गरी ९०औँ स्थानमा आएका छन् ।

टी- २० ब्याटर वरीयतामा नेपालका अलराउन्डर दीपेन्द्रसिंह ऐरी एक स्थान खस्किएर ५२ स्थानमा पुगेका छन् । यस्तै, अलराउन्डरतर्फ कुशल मल्ल यथावत् ३५औँ स्थानमा छन् भने गुल्सन झा एक स्थान खस्केर ६२औँ स्थानमा आइपुगेका छन् । कप्तान रोहित एक स्थान सुधार गरेर ६६औँ र करण केसी पनि एक स्थान सुधार गरी ६९औँ स्थानमा आएका छन् ।

टी-२० बलिङतर्फ नेपालका एक मात्र खेलाडी १०० भित्र अटाएका छन् । सोमपाल कामी ४ स्थान खस्किएर ९९औँ स्थानमा पुगेका छन् ।