काठमाण्डु – भारतको जम्मूमा तीर्थालू सवार बस दुर्घटना हुँदा ७ जनाको मृत्यु भएको छ ।

भारतको उत्तर प्रदेशको हाथरसबाट जम्मू–कश्मीरको रियासीस्थित शिव खोडी भइरहेको थियो । तीव्र गतिमा रहेको बस सडकको घुम्तीमा दुर्घटना भएको हो ।

भारतीय सञ्चारमाध्यमका अनुसार दुर्घटनामा २० जना गम्भीर घाइते भएका छन् । बस दुर्घटनामा घाइते भएकाहरूलाई प्रहरी र स्थानीय वासिन्दाले उद्धार गरेका थिए ।

घाइतेको अखनूर अस्पताल र जीएमसी अस्पतालमा उपचार भइरहेको छ ।

तीर्थालूहरू जम्मू–कश्मीरको रियासी जिल्लास्थित शिव खोडीतिर गइरहँदा दुर्घटना भएको हो ।