लमजुङ– लमजुङको सारिङबाट सदरमुकाम बेंशीशहर जाँदै गरेको जिप दुर्घटना भएको छ ।

आज बिहान मकैडाँडा मोडमा ग १ ज ८५५१ नम्बरको जिप दुर्घटना हुँदा २२ जना घाइते भएका छन् । घाइतेहरुमध्ये पाँच जनाको अवस्था गम्भिर छ ।

टाउकोमा चोट लागेका पाँच जना घाइतेहरुलाई चितवनको भरतपुर पठाइएको छ ।

अन्य घाइतेकाे जिल्ला सदरमुकाममै उपचार भइरहेको जिल्ला प्रहरी कार्यालय लमजुङका प्रहरी निरीक्षक राजकिशोर साहले जानकारी दिए ।

उनका अनुसार दुर्घटनाबारे अनुसन्धान भइरहेको छ ।