काठमाण्डु – भारतको पञ्जाबमा सडक दुर्घटना हुँदा २ नेपालीको मृत्यु भएको छ ।

तिहार मनाउन भारतबाट नेपाल आउँदै गरेको कार दुर्घटना हुँदा २ जनाको मृत्यु भएको हो ।

पञ्जाबबाट बढनी नाका हुँदै घर फर्किरहेको पीबी १० जेएन ६१९९ हुण्डाई कार र यूपी ४७ टी २७०३ नम्बरको रोडवेज बस एकआपसमा ठक्कर खाएर दुर्घटना भएको भारतीय सञ्चारमाध्यमले जनाएका छन् ।

शनिबार बिहान भएको दुर्घटनामा परी कपिलवस्तुको बाणगङ्गा नगरपालिका–९ बर्दहवाका दिनेश बेल्बासे र गैंडाकोट नगरपालिका–६ का अनिल सापकोटाको मृत्यु भएको थाना पचपेडवा बलरामपुरले प्रेस विज्ञप्तिमार्फत जनाएको छ ।

कारमा सवार मृतक बेल्बासेका पत्नी शारदा बेल्बासे, बाणगंगा नगरपालिका–४ निवासी टेकबहादुर र उनकी पत्नी धनकला घाइते भएका बलरामपुर प्रहरीले जनाएको छ ।