कास्की- दाङबाट भ्रमण टोली बोकेर आएको बस पोखरामा दुर्घटनामा परेको छ। बिहीबार दिउँसो साढे १२ बजेतिर पोखरा महानगरपालिका २२ शान्तिस्तुपानजिकै बस दुर्घटना भएको हो ।

नवयुग डान्स क्लब दाङबाट भ्रमणका लागि आएको रा १ ख २१०६ नम्बरको मिनी बस पुम्दीकोटबाट छोरेपाटनतर्फ आउँदै गर्दा दुर्घटनामा परेको कास्की प्रहरीले जनाएको छ ।

दुर्घटनामा दुई जना घाइते भएका छन्। घाइते हुनेहरूमा दाङको तुलसीपुर उपमहानगरपालिका ४ की १७ वर्षकी सन्ध्या रसाइली र १९ वर्षकी मनीषा रसाइली छन्।

वडा प्रहरी कार्यालय बैदाम कास्कीबाट खटिएको प्रहरीले घाइतेलाई उद्धार गरेको हो। बसमा २४ जना सवार थिए। बस बाटो छेउको रुखमा अल्झिएका कारण ठुलो दुर्घटना हुनबाट भने जोगीएको प्रहरीले जनाएको छ ।