काठमाण्ड- बाँकेमा बस र मोटरसाइकल ठोक्किँदा दुईजनाको मृत्यु भएको छ । जिल्ला ट्राफिक प्रहरी कार्यालय बाँकेका अनुसार मोटरसाइकलमा सवार दुईजनाको मृत्यु भएको हो ।

राप्तीसोनारी–७ फत्तेपुर सर्रामा नरैनापुरबाट नेपालगञ्ज जाँदै गरेको भे १ ख ३७७४ नम्बरको बस र फत्तेपुरबाट नेपालगञ्जतिर आइरहेको भे ६ प ८८३६ नम्बरको मोटरसाइकल ठोक्किएका हुन् ।

गम्भीर घाइते भएका मोटरसाइकल चालक राप्तीसोनारी–७ फत्तेपुर सर्राका २७ वर्षीय दिलबहादुर थारु र पछाडि सवार २३ वर्षीय राजेश थारुको उपचारका क्रममा मृत्यु भएको हो ।

प्रहरीका अनुसार दुर्घटनालगत्तै बस चालक फरार भएका थिए । तीव्र गतिका कारण दुर्घटना भएको प्रहरीको अनुमान छ ।